Hróarslækur.

Sælir félagar.

Þá er það næsti veiðitúr en það er í Hróarslækurinn 19-21 ágúst. Það hafa orðið svolitlar breytingar á mannskapnum sem fer þennan túr en af okkur Víðförlafélögum fara Veiðihundurinn, 10pundarinn, Hattarinn og Spúnninn. Það er akkúrat helmingurinn af þeim sem fara þar sem aðeins er veitt á 4 stangir í þessari á. Þetta verður svolítið spennandi þar sem engir af okkur hafa veitt þar áður en ég hef frétt að veiðin þar gangi mjög vel þótt ekki hafi mér tekist ennþá að fá aflatölur. Þessi á hefur svipaðan laxastofn og Ytri Rangá og þar er nú þessa dagana bullandi fiskur í göngu þannig að við ættum að vera í nokkuð góðum málum. Þá er þessi á lindá og er þ.a.l. ekki eins háð regnvatni eins og dragár. Ég hef verið í veiðihúsinu við ána og get vottað að það er mjög glæsilegt með öllum aðbúnaði eins og best verður á kosið. Þarna má veiða allt agn og það er það sem sumir af okkur þykir best að fá að veiða eins og hverjum og einum hentar.

Kooooooooma svoooooooo.

Kveðja Hattarinn.

Veiðimaðurinn.

Sælir félagar.

Ég hef oft sagt að nafnið á veiðifélaginu okkar er með rentu því við gerumst mjög Víðförlir.   Veiðimaðurinn nýjasta blað SVFR. er enn ein sönnun þess. Í þessu blaði eru bæði greinar og myndir tengdar okkar ágæta félagsskap og eru það vinirnir " Laxafangarinn" og "Birtingurinn" sem eru þess heiðurs aðnjótandi að þessu sinni. Þeir eru á síðum 45 og 54.

Að öðru leiti vil ég segja að nú er veiðin komin á gott skrið og finnst mér þetta sumar sýna það sem ég hef verið að segja á undanförnum árum að veiðin er að færast aftar í árið. Júlí er ekki lengur sá mánuður sem ber upp veiðina heldur ágúst. Það er líka deginum ljósara að þegar veiðimenn eru að fá grálúsuga fiska eftir miðjan september að fiskurinn gengur miklu seinna í árnar en það sem áður gerðist. Það er svo sem ágætt því það lengir hjá okkur veiðitímabilið og er betra að byrja þá seinna að veiða í ánum og veiða aðeins lengur fram á haustið. Það er betra vitandi það að það er þó fiskur í ánni á þeim tíma heldur en að vera berja fisklausar ár í júní með ærnum tilkostnaði.          

Þá vil ég enn og aftur hvetja ykkur félaga til þess að segja frá veiðiferðum ykkar hér á bloggsíðunni.

Kveðja Hattarinn.

Staðaráin myndir.

Sælir félagar.

Setti inn nokkrar myndir úr Staðaránni.

Kveðja Hattarinn.

Staðaráin Myndir

Sælir félagar.

Setti nokkrar myndur frá túrnum í Staðarána.

Kv. Hattarinn.

Grenjuskjóða.

Félagar, ég grét í gækvöldi.

Mér var boðin stöng í frábærri á í Borgarfirðinum þar sem veiða má á allt agn. Reyndar svolítið dýr en fjandinn hafi það ef ég hefði ekki verið að fara að vinna á mánudaginn þá hefði ég hoppað á tilboðið. Reyndar var þetta í 3 stangar holl sem er frekar dýrt á þessum tíma en við sjáum sjálfir um matinn og þ.a.l. yrði þetta ekki svo dýrt miðað við allt og allt. Þá hefði ég getað verið með eina stöng í þessu holli og verið leiðinlegur við veiðifélagana þannig að þeir myndu ekki mæta að ári og við fengjum það refjalaust. Það er þessi fjandans vinna sem skemmir fyrir manni veiðina hún gengur víst fyrir svo maður gerti borgað veiðileyfin. Áin að tarna er Flókadalsá í Borgarfirði, falið gull!!!!!!!!!!

Kveðja Hattarinn.

l

Staðará 2011

Sælir félagar.

Eins og ég sagði í síðasta pistli þá stóð mikið til í Staðaránni, við ætluðum að moka honum upp sko í tugavís. En það er ekki alveg svoleiðis alltaf. Við höfum sennilega verið heldur snemma á ferðinni í sjóbirtinginn því hann var svo sem ekki að stökkva um allann ós eins og við eigum að venjast Það get ég þó sagt að hann var á svæðinu og það er það sama með birtininn og laxinn að þeir stærstu koma fyrst. Sáum stóra dreka sigla um ósinn eins og konungar. Það var reynt og reynt og allt einu gerðist það hann var á. Í dásamlegu veðri með alveg frábærum félögum þ.e. 10 pundaranum, Hattaranum, Hrygnunni, Laxaranum, Spúninum og Veiðihundinum.  Þrátt fyrir óhemjuveðurblíðu sem gerði bæði mönnum og fiskum frekar erfitt fyrir þá náðum við átta fiskum. Og stærðin var óhemjumikil. Hún skiftist þannig, einn 4p. einn 5p. tveir 6p einn 7p einn 8p einn 9p og einn 10 punda. Hvað viljið þið hafa það betra. Frábært veður, flottir félagar og fin veiði. Eins og ég sagði þeir stærstu koma fyrst. !0 pundarinn veiddi 10 pundarinn og það er sá stærsti í Víðförlaferðum hingað til. Sá stærsti í sumar er 14  pundar úr Blöndu. Þá hafið þið markmiðin til að sigrast á en munið að það er mælst til  að sleppa öllum laxi yfir 70 cm. þannig að þið þurfið vitni eða mynd af verðlaunafiskinum sem þið veiðið.

Kveðja Hattarinn.

Myndir Seinna.

Veiðiferð II

Sælir félagar.

Þá er það framhald við síðustu grein mína. Heldur var það dapurt hjá þeim sem eru búnir að fara í Blöndu, Laugardalsá og Hvítá v/Iðu. Það náðist einn 14 pundari í Blöndu og nokkrir ágætir silungar einn lax í Iðu og ég held enginn í Laugardalsá. Í þessum skrifuðum orðum stendur undirbúningur í hámarki við ferð í Staðarána. Það er mikill veiðihrollur og spenningur í mönnum, spáir vel og stórstraumur. Hvað vilja menn hafa það betra. Þeir sem fara í þennan túr eru 10pundarinn, Laxarinn, Spúnninn, Hattarinn, Hrygnan og Veiðihundurinn. Þetta er eins og alltaf vaskur hópur sem ætlar sér að gera góða hluti, veiða bæði flesta fiska og þá stærstu. Verst þetta með löndunarbiðina og aðgerðarhvíðann þegar allt er í hámarki. Menn hafa lofað að sýna stillingu og háttvísi eins og vera ber þegar mest gengur á. Vonandi gengur okkur vel.

Kveðja Hattarinn.

Fyrsti veiðitúrinn.

Sælir félagar.

Veiðisumarið 2011 er nú hafið af fullum krafti. Það byrjaði svo sem ekki af neinum krafti því tíðin hefur verið hundleiðinleg um allt land. Rok, kuldi og þurrkar sunnan og vestanlands. Snjór og skítakuldi norðan og austanlands. Það er því með miklum ólíkindum hvað hefur tosast í veiðiám landsins og bara góður gangur í flestum ám. Nú þegar þessi orð eru rituð hefur loksins hlýnið á landinu og ringt sunnan og vestan og það gerir ekkert nema gott á þeim slóðum. Hvað varðar okkur félagana í Víðförla þá veit ég að menn eru byrjaðir að pota prikum í vötn og hafa gert ágæta veiði í silungnum og hann bara vænn bæði bleykjan og urriðinn. Þá er Hrygnan við veiðar í Blöndu á svæði II en ég hef ekki fengið fréttir frá honum ennþá. Þá veit ég að Stangarbaninn er á leið í Laugardalsá í 3 daga veiði sem hefst á morgun og Hattarinn, Hrygnan og Veiðihundurinn eru að fara í Hvítá v/Iðu á miðvikudaginn. Það lítur út fyrir að það verði fyrsti formlegi Víðförlatúrinn á þessu sumri. Því miður hefur maður ekki fengið neinar fréttir frá þessum veiðistöðum en það er í fínu lagi því "engar fréttir eru góðar fréttir" eða þannig. Næsti Víðförlatúr er svo í Staðará 13-15 júlí og í þann túr fara 10 pundarinn, Hattarinn, Veiðihundurinn, Flotarinn, Laxarinn og Spúnninn. Þvílíkt lið hefur varla ekið um þjóðvegi landsins nema kannski til forna og þá væntanlega riðið á hestum.

Þá að öðru. Eins og þið sjáið þá er langt síðan einhver hefur skrifað pistil á þessa síðu og enn lengra síðan einhver annar en undirritaður gerði svo. Af ásettu ráði þá ákvað ég að hvíla mig og ykkur á skrifum mínum á þessa síðu og var að vonast til þess að einhver myndi taka upp þráðinn og skifa eitthvað á síðuna. Því miður varð sú ekki raunin og er það miður. Vil ég hvetja ykkur ágætu Víðförlafélagar að vera nú duglegir í sumar og skrifa á síðuna því ekkert er leiðinlegra en ein skoðun og ein skrif í frjálsum fjölmiðli. Þið getið skrifað um túra sem þið farið í aflabrögð og sögur eða bara hvað sem er um veiði eða bara hugleiðinar um lífið og tilveruna.   Koma svooooo!!!!!!!!!

Kveðja, Hattarinn.

Sendi ykkur slóðina inná síðuna í e-mail

Vorveiðin.

Sælir félagar.

Ekki verður hægt að segja að vel viðri til veiða á þessu vori enn sem komið er. Þó eru menn að kroppa upp fiska hér og þar þrátt fyrir skítaveður. Það er þá helst austur á söndum menn eru að fá fisk og einnig virðist Sogið vera að koma skemmtilega á óvart. Þá hefur aukin sjóbirtingsveiði í þeirri á vakið upp spurningar hvað sé að gerat þar. Það er nú kannski full snemmt að hafa áhyggjur af því strax því það getur breyst í einu vetfangi. Þá hafa veriða að koma skot í Tungulæk, Vatnamótum, Geirlandsá og Steinsmýrarvötnum enginn mokstur en reytingur. Þá veit ég um hóp manna sem eru nú við veiðar í Blöndu og verður gaman að heyra hvernig gekk hjá þeim og í þeim hópi eru "Hrygnan og Veiðihundurinn" sem eru sannir Víðförlafélagar og munu ekki svíkjast undan við veiðiskapinn frekar en vant er. Þá er veðurútlitið heldur að skána og er spáð auknum hlýindum og þá vonandi færist meira fjör í veiðina.

Kveðja Hattarinn.

Ferðin í Vatnamót.

Kæru félagar.

Þá er fyrsta veiðitúrnum árið 2011 lokið. Allir komum við heilir heim og rúmlega það því menn koma endurnærðir eftir að hafa staðið við veiðar í misjöfnu veðri við vatnsmikil Vatnamótin. Við komuna í veiðihús á fimmtudag var skaplegt veður en vindur hafði aðeins aukist en ekki til vandræða. Þegar á leið og við mættir á veiðistað skall á hávaðarok með miklum öldugangi beint í fangið. Þar að auki fór sandur að rjúka bæði mönnum og líka faratækjum til armæðu. Þannig að fljótlega drógu menn færin að landi og hættu veiðum. Það var í fínu lagi svosem því þrátt fyrir veðrið veiddust átta fiskar. Í veiðihúsinu beið heitur pottur og rjúkandi kjúllasúpa með öllu. Föstudagurinn var allur annar og var svæðið vaðið eins og hægt var en þrátt fyrir mikla viðleitni var afraksturinn frekar rýr. Þó komu alls 16 fiskar að landi en hefðu gjarnan mátt vera talsvert meiri en þetta er kannski ásættanlegt. Þetta er erfiður veiðistaður í miklu vatni eins og var núna. Samt sem áður var þetta enn einn skemmtilegur veiðitúr sem við förum saman í og allir okkar gestir í gegnum tíðina smollið vel inní hópinn og svo var einng nú. Takk félagar.

Setti inn myndir úr túrnum.