Blanda II

Sælir félagar.     Þá er komið að segja frá annari Víðförlaferð ársins þ.e.a.s. í Blöndu dagana 10 og 11 júlí. Þeir sem fóru þessa ferð voru Marteinn, Hilmar, Guðmar, Jónas og þrír gestir þeir Finnbogi, Sigurpáll og Jóhann Júlíus. Þar sem enginn af okkur höfðu veitt þarna áður þá þurftum við að svolitlar leiðbeiningar um svæðið. Blanda er sko ekkert smávatn og veiðisvæðið er eiginlega allur Langidalurinn alveg frá Blönduósi og uppað Svartá. Þeir félagar Leifur og Skafti og kunningi Marteins höfðu veitt okkur góðar lýsingar á hvar best væri að bera niður. Þrátt fyrir blankalogn og glampandi sólskin tóks Marteini að slíta upp einn lax í Svarthyl og fékkst hann á flugu. Seinnipartinn setti Hilmar í einn 6kg. á maðk á sama stað þ.e. í Svarthyl og Marteinn í annan í hyl sem heitir Braggi alveg gríðarlegur Dammur sá hylur. Veiðistaðurinn er svona 30 metra breiður og 150 metra langur. Þá komu upp 3 urriðar þennan dag. Daginn eftir setti Guðmar í og landaði enn einum laxinum í Svarthyl og þá komu einnig aðrir 3 urriðar og einn af þeim var 2 kg. Fallegur fiskur. Við gistum í bændagistingu að Geitarskarði sem var mjög fínt og flott aðstaða úti við og gátum við grillað og haft það huggulegt. Fínn túr í góðu veðri með frábærum félögum. Myndir síðar.

Kv. JM.

Ferðin í Vatnamótin.

Sælir félagar.     Þá er að segja ykkur lauslega frá ferðinn í Vatnamótin nú um helgina. Í þessa ferð fóru 4 Víðförlafélagar og 4 gestir alls 8 karlar. Við lögðum af stað snemma á fimmtudaginn og voru væntingar miklar líka vegna þess að veðrið var mjög gott. Því miður var það ekki svo fyrir austan er við mættum á veiðisvæðið. Bölvaður suðaustan þræsingur og skítakuldi. En hvað um það það var vaðið og reynt að veiða við erfiðar aðstæður. Að endingu náðust 2 birtingar 1 og 1.5 kg og vorum við ekki alveg sáttir en aðstæður voru slæmar. Á föstudeginum var allt annað uppá teningnum logn og blíða og nú var sko vaðið um víðan völl en samt var uppskeran ekki nógu góð eða aðeins 7 fiskar. Alls 9 stk. Jæja við erum svo hógværir og svo var félagsskapurnn góður, fínn matur og ágætt hús hvað er hægt að biðja um meira.

Takk fyrir mig, myndir í albúminu.

Vatnamótin 19-21 apríl.

Sælir félagar.

Það stefnir í flottann túr í Vatnamótin þ. 19 apríl og að öllum líkindum verður það Víðförlatúr.

Það eru enn laus pláss ef einhverjir hafa áhuga eru viðkomandi beðnir um að hafa samband við undirritaðann.

Kv. JM.

Veiði

Sælir félagar.

Nú er sá tími þar sem flestir Íslenskir veiðifélagar plana veiðisumarið 2012. Við í Víðförla erum þar engin undantekning. Ég og nýji formaðurinn erum í því að kanna möguleika okkar á veiði næsta sumar en það sem okkur vantar er að fá að vita hvað þið viljið í því sambandi. Við verðum að heyra frá ykkur hvað þið viljið. Er áhugi hjá ykkur fyrir Langánni í september, Laxá í Leir í sept. Hítará eða einhverri minni á eins og til dæmis hjá Svfr. Dunká eða Setbergsá. sem báðar eru litlar nettar 2ja stanga ár á ágætu verði. Við erum að sverma fyrir nokkrum möguleikum en það eru Flekkan, Miðá og Flókadalsá í Borgarfirði en það er allt í vinnslu.

Strákar látið okkur vita hvað þið viljið.

Kveðja Hattarinn.

Ps. Endilega svarið E-mailum frá nýja formanninum.

Víðförli kominn á Facebook

Sælir félagar,

Mig langar til þess að benda ykkur á að nú erum við komnir á Facebook og það væri gaman ef þið gætuð allir tengt ykkur við þá síðu en hún heitir einfaldlega Víðförli veiðifélag. Ég er búinn að senda skilaboð til þeirra sem eru inni á Facebook nú þegar. Síðunni munum við halda lokaðri og eingöngu fyrir félagsmenn þannig að við getum notað hana til þess að skoða myndir af veiðitúrum hjá félögum, skiptast á skilaboðum og margt fleira, getur nýst okkur á marga vegu.
Fyrir þá sem eru ekki á Facebook í dag en myndu vilja vera með á síðunni okkar þá er einfalt mál að koma því við. Sendið mér póst ef vilji er fyrir aðstoð við það.
Kv. Hilmar

Veiðin 2012

Sælir félagar.

Nú skrifa ég þennan pistil sem fyrrverandi formaður Víðförla þannig að nú má ég skrifa hvað sem er án þess að það sé talið vera skoðun Veiðifélagsins Víðförla. Hvað um það nú styttist í að söluskrá Svfr. komi út en einhvernveginn finnst mér það alltaf vera útgangspúnturinn á að fara að huga að veiðileyfum fyrir næsta sumar. Það sem ég hef séð á netinu þá kennir þar ýmisra grasa og þó nokkuð um allskonar nýjungar sem vert er að kíkja á. Má m.a. nefna að 2 litlar ár koma nýjar inn en það eru Dunká og Setbergsá á Skógarströnd nettar 2 stanga ár sem verða mjög eftir sóttar. Í staðinn hefur hluti af Bíldsfelli og Varmáin dottið út þó það sé ekki alveg klárt með þá síðarnefndu. Þá er ein athygliverð breyting en það er í Hítaránni. Þar verður ekki fæðisskylda frá miðjum ágúst og út veiðitímabilið. Það finnst mér spennandi og fyrir vikið verður veiðiferðin mun ódýrari. Stjórn félagsins sagði á aðalfundinum að ef þetta gengi vel þá yrði þessi möguleiki kannaður í fleiri ám og kom þá Langá til umræðu í því sambandi. Talandi um hana þá ætla þeir að vera aftur með síðusta dagana þar þannig að veitt verður frá morgni til kvölds án fæðis og húskostnaðar eins og í fyrra því það gaf frábæra raun þrátt fyrir að veiðin hefði verið slök vegna þurrka.

Að lokum ætla ég að minna ykkur Víðförlafélagar á skötuveisluna í hádeginu á Þorláksmessu.

Kveðja Hattarinn.

Aðalfundur Svfr.

Sælir félagar.

Þar sem nýji formaður er önnum kafinn námsmaður þá tók ég að mér þá hefð formanns Víðförla að fara á aðalfund Svfr. fyrir hans hönd og af gömlum vana. Það kom ýmislegt fram á þessum fundi og ætla ég að nefna það sem mér fannst markverðast.                                                                            Það var í fyrsta lagi að félagið var svo gott sem rekið á núlli sem er frábær árangur því bókfært tap á síðasta ári var um 38 miljónir og er það meiriháttar viðsnúningur á einu ári. Það kom fram hjá gjaldkera að aðalástæðurnar eru hrunið, hrun á sölu veiðileyfa í kjölfarið árið 2009 og tap á sölu leyfa í Laxá í Mývatnsv. og Tungufljóti. Í Tungufljóti er skýringin gosin í Eyjafjallajökli og Öræfajökli. Fyrir norðan er skýringin svolítið skrítin. Þar kvörtuðu menn sáran yfir mikill hækkun veiðileyfa og fæðisskyldu sem gerði þetta enn dýrara. Nú er það svo að Svfr. átti 4 hæsta tilboðið í svæðið en rétthafar kusu að semja við Svfr. Hvað hefði gerst ef þeir hefðu samið við hæstbjóðanda. Hvað varðar fæðið þá var það eina sem gerist þar var að maturinn batnaði en þar varð engin hækkun!!!!!

Til þess að koma til móts við menn verður hægt að kaupa stangir fyrir norðan án fæðis og gistingar næsta sumar og verður þá spennandi að fylgjast með því hvað gerist. Þá er það vitað að menn vilja losna undan fæðiskyldunni og hefur Svfr. því ákveðið að ekki ferði fæðisskylda í Hítará eftir 15 júlí á næsta ári. Svo eru þeir að velta því fyrir sér að svo verði einnig í Langá þó ekki fyrr en í ágúst. Þetta verður spennandi.

Þá hættir Svfr. með Krossá og silungasvæðið í Andakílsá en tekur í staðinn Dunká og Setbergsá á Skógarströnd. Báðar þessar á er snotrar 2 stanga ár með fínum húsum og hef ég veitt í Dunká og er það virkilega skemmtileg spræna.

Nú í desember kemur söluskrá þeirra út og vonum við að menn geti skoðað hana og þá getum við kannski sótt um einhver skemmtileg veiðileyfi fyrir okkur í Víðförla.

Lesa má skýrslu stjórnar í heild sinni á vef Svfr.

Kv Jónas FFV.

Fundargerð 14 aðalfundar Veiðifélagsins Víðförla haldinn föstudaginn 21/10 2011.

Fundurinn var settur af formanni Víðförla kl. 18:45  í sal SVFR. við Háleitisbraut.Eftirtaldir félagar Víðförla voru mættir á fundinn, Hilmar, Axel, Jónas, Steini, Kristján, Leifur, Eggert, Oddur, Ási og Þorvarður. Þá mætti eini umsækjandinn um inngöngu í Víðförla Ágúst Kárason.Að vanda var dagskráin hefðbundin og eftir kosningu fundarritara (Hilmar)  var tekin fyrir eina aðildarumsóknin sem lá fyrir fundinum. Umsækjandi vék af fundi á meðan um umsóknina var fjallað. Þar sem Ágúst hafði verið að veiða með okkur mörgum bæði nú í sumar og einnig það síðasta tók þetta ekki langan tíma enda drengur vænn og góður þar á ferð. Eftir smá umræður var hann samþykktur samhljóða sem 20 meðlimur Veiðifélagsins Víðförla. Þá var það nafngiftin og flugu þá ýmsar hugmyndir en að lokum var ákveðið nafnið „Tvíhendan“ og var sú nafngift samþykkt samhljóða og honum þá kynnt niðurstaðan og hann boðinn velkominn í hópinn.Að þessu loknu flutti formaður sína árlegu skýrslu um veiði og veiðiferðir árið 2011. Kom fram hjá honum að þetta sumar var eitthvað það alversta í sögu Víðförla hvað aflabrögð varðar en aðeins veiddust 34 löggildir fiskar í veiðiferðum Víðförla. Þarf að fara langt aftur í tímann til að finna annað eins viðmið.Að vanda urðu talsverðar umræður um skýrslu og fjármál Víðförla en allir sammála að hvorutveggja liti vel út. Þá kom fram tillaga um hækkun félagsgjalda í 4.000.- og var hún samþykkt samhljóða og þá sérstaklega í ljósi þess að árgjaldið hefur ekki hækkað í 4 ár.Engar lagabreytingar voru lagðar fram en ítrekað að það þyrfti að endurskoða lögin og vinna í samþykkt síðasta aðalfundar þar að lútandi.Þá var það árleg verðlauna afhending Víðförla og hlaut Ási fyrir stærsta fiskinn, Hilmar fyrir flesta og Steini fyrir stærsta Víðförla fiskinn.Þá var komið að kosningu formanns og eins og sést í skýrslu formanns þá frábað formaður sér frá endurkjöri og setti fram skýringar þar að lútandi sem fundarmenn sáu að voru réttar.Þá kom uppástunga um Hilmar sem næsta formann og eftir smá fortölur samþykkti hann og var kjörinn samhljóða með öllum greiddum atkvæðum og lófataki.Að þessu loknu beið okkur matur af bestu gerð en á borðum lá steikt lambalæri með alles og rautt með hvað er hægt að hafa það betra.Undir liðnum önnur mál urðu að vanda miklar og skemmtilegar umræður um veiðina 2012.Má segja að fyrsti Víðförla túrinn hafi verið ákveðinn þar en það er ferð í Hafralónsá 17 – 20 ágúst. Spennandi túr það. Þá urðu umræður um ferð á Skagaheiði á góðum tíma og fá Orra til þess að stýra því, Blöndu svæði II í júlí og Minnivallarlæk í vor. Þá voru menn sammála að skoða Laxá í Leir og Langá.Þá voru ýmsar hugmyndir á loft um að reyna að hittast í vetur til skrafs og ráðagerða, hnýta eða eitthvað svoleiðis til þess að stytta veturinn. Þá kom fram hugmynd að hittast í jan-feb og halda þorrablót og voru Axel og Varði beðnir að stýra því máli enda stendur það þeim næst.Þá tilkynnt Varði að allir Víðförla félagar væru velkomnir í „ skötu“ hjá honum hádeginu á Þorláksmessu eins og síðast og hvet ég menn til þess að nýta sér það gylliboð.Hjálagt fylgir skýrsla fráfarandi formanns fyrir árið 2011.Hilmar Jónasson fundarritari.

Fundargerð 14 aðalfundar Veiðifélagsins Víðförla haldinn föstudaginn 21/10 2011.

Fundurinn var settur af formanni Víðförla kl. 18:45  í sal SVFR. við Háleitisbraut.Eftirtaldir félagar Víðförla voru mættir á fundinn, Hilmar, Axel, Jónas, Steini, Kristján, Leifur, Eggert, Oddur, Ási og Þorvarður. Þá mætti eini umsækjandinn um inngöngu í Víðförla Ágúst Kárason.Að vanda var dagskráin hefðbundin og eftir kosningu fundarritara (Hilmar)  var tekin fyrir eina aðildarumsóknin sem lá fyrir fundinum. Umsækjandi vék af fundi á meðan um umsóknina var fjallað. Þar sem Ágúst hafði verið að veiða með okkur mörgum bæði nú í sumar og einnig það síðasta tók þetta ekki langan tíma enda drengur vænn og góður þar á ferð. Eftir smá umræður var hann samþykktur samhljóða sem 20 meðlimur Veiðifélagsins Víðförla. Þá var það nafngiftin og flugu þá ýmsar hugmyndir en að lokum var ákveðið nafnið „Tvíhendan“ og var sú nafngift samþykkt samhljóða og honum þá kynnt niðurstaðan og hann boðinn velkominn í hópinn.Að þessu loknu flutti formaður sína árlegu skýrslu um veiði og veiðiferðir árið 2011. Kom fram hjá honum að þetta sumar var eitthvað það alversta í sögu Víðförla hvað aflabrögð varðar en aðeins veiddust 34 löggildir fiskar í veiðiferðum Víðförla. Þarf að fara langt aftur í tímann til að finna annað eins viðmið.Að vanda urðu talsverðar umræður um skýrslu og fjármál Víðförla en allir sammála að hvorutveggja liti vel út. Þá kom fram tillaga um hækkun félagsgjalda í 4.000.- og var hún samþykkt samhljóða og þá sérstaklega í ljósi þess að árgjaldið hefur ekki hækkað í 4 ár.Engar lagabreytingar voru lagðar fram en ítrekað að það þyrfti að endurskoða lögin og vinna í samþykkt síðasta aðalfundar þar að lútandi.Þá var það árleg verðlauna afhending Víðförla og hlaut Ási fyrir stærsta fiskinn, Hilmar fyrir flesta og Steini fyrir stærsta Víðförla fiskinn.Þá var komið að kosningu formanns og eins og sést í skýrslu formanns þá frábað formaður sér frá endurkjöri og setti fram skýringar þar að lútandi sem fundarmenn sáu að voru réttar.Þá kom uppástunga um Hilmar sem næsta formann og eftir smá fortölur samþykkti hann og var kjörinn samhljóða með öllum greiddum atkvæðum og lófataki.Að þessu loknu beið okkur matur af bestu gerð en á borðum lá steikt lambalæri með alles og rautt með hvað er hægt að hafa það betra.Undir liðnum önnur mál urðu að vanda miklar og skemmtilegar umræður um veiðina 2012.Má segja að fyrsti Víðförla túrinn hafi verið ákveðinn þar en það er ferð í Hafralónsá 17 – 20 ágúst. Spennandi túr það. Þá urðu umræður um ferð á Skagaheiði á góðum tíma og fá Orra til þess að stýra því, Blöndu svæði II í júlí og Minnivallarlæk í vor. Þá voru menn sammála að skoða Laxá í Leir og Langá.Þá voru ýmsar hugmyndir á loft um að reyna að hittast í vetur til skrafs og ráðagerða, hnýta eða eitthvað svoleiðis til þess að stytta veturinn. Þá kom fram hugmynd að hittast í jan-feb og halda þorrablót og voru Axel og Varði beðnir að stýra því máli enda stendur það þeim næst.Þá tilkynnt Varði að allir Víðförla félagar væru velkomnir í „ skötu“ hjá honum hádeginu á Þorláksmessu eins og síðast og hvet ég menn til þess að nýta sér það gylliboð.Hjálagt fylgir skýrsla fráfarandi formanns fyrir árið 2011.Hilmar Jónasson fundarritari.

Skýrsla formanns veiðifélagsins Víðförla fyrir árið 2011

Ágætu félagsmenn.Ég vil byrja á að bjóða ykkur alla hjartanlega velkomna á þennan aðalfund veiðifélagsins okkar, Víðförla. Áður en lengra verður haldið vil ég geta þess að dagskrá þessa fundar er mjög hefðbundin og verður eins og vant er. Við byrjum á sjálfum fundinum og á eftir honum fáum við okkur eitthvað gott í gogginn og flottan fljótandi mjöð með. Síðan verður myndasýning og umræður með meiru.Sumarið 2011 verður seint skráð í sögubækur okkar fyrir mikinn afla eða einhverja sérstaka tilburði hjá okkur félögunum. Það er þá kannski helst þeir félagar Ási, Axel, Tóti, Marteinn og Skafti sem geta litið stoltir yfir sumarið þar sem þeir veiða víða og veiða mikið en það er nú önnur saga. Sumarið 2011 sker sig ekki úr síðustu fjórum fimm árum hvað varðar vatnsbúskap í ánum en hann var í algjöru lágmarki.Ég ætla á eftir að sýni ykkur svart á hvítu tvo veiðistaði í tveimur ám þ.e. Langánni og Laxá í Leir. svo þið getið séð hvað um er að ræða þegar rætt er um lélegan vatnsbúskap. Annarsvegar veiðistaði í eðlilegu vatni og svo eins og þeir voru í sumar. Það er ekki von á góðu þegar við lendum í svona vatnsleysi. Þar sem ég er með bústað í nágrenni þessara áa þá get ég staðfest að það rigndi ekkert sem skiptir máli frá 26 júní til 28 september. Jú það komu smá skvettur en ekkert sem hafði áhrif á vatnsbúsapinn í ánum. Það sem mér finnst vera einkennilegt við þetta sumar hvað það dróst langt fram á haustið að það færi að rigna.Hvað um það menn fóru til veiða fullir bjartsýni enda veiðimenn almennt með bjartsýnni mönnum og erum við Víðförla félagar þar engin undantekning nema síður sé.Farið var að vanda í þessar hefðbundnu ár og eina nýja og hófst sumarið með ferð í Vatnamótin en ég mun síðar í þessum pistli mínum fjalla um hvern veiðitúr fyrir sig og einnig aflabrögð. Síðan var farið í Staðará, Hróarslæk, Hvítá við Iðu, Laxá og Langá alls 6 fullgilda Viðförla veiðitúra. Alls fóru 12 félagar í þessa túra og er það vel ásættanlegt miðað við að það voru 4-5 félagar svo til óvirkir í sumar. Það er kannski spurning hvort við séum að gera rétt og þá er ég að tala um val á veiðistöðum. Nú er Svfr. komið með enn eina svona litla netta veiði  á sem er Dunká og þá er það spurning með staði eins og Sogið og fleiri svona nettar sprænur eða þannig og ekki mjög dýrar. Þá er ég enn að leggja snörur fyrir Flókadalsá í Borgarfirði en það er skemmtileg 3ja stanga á þar sem má veiða á maðk og flott veiðihús þar sem við sjáum sjálfir um matinn. Við verðum að fara að skoða þetta betur og þá væri kannski best að fá nýjan skipstjóra í brúna sem hefur meiri yfirsýn en Nói gamli. Ræðum þetta frekar undir liðnum önnur mál.Það er venjan í þessum pistli mínum að ræða aðeins um aflabrögðin en sumarið í sumar er eitt það allélegasta sem ég man eftir og er mikið hrun frá árinu 2009 þar sem við veiddum 339 fiska, árinu 2010 þá veiddum við 139 fiska en nú í sumar var heildarveiðin í veiðitúrum Víðförla 34 fiskar takk fyrir. Nú má kannski halda að við höfum eitthvað dregið úr ásókninni í veiðina en svo er ekki. Það má kannski segja að sumir af okkur hafi ekki farið í eins marga túra og stundum áður. Það kemur samt ekki niður á aflabrögðum því allar voru ferðirnar fullmannaðar.Nei það sem gerðist að þrír af þessum túrum núlluðu en það voru Iðan, Hróarslækurinn og Langáin. Það má svo sem endalaust deila um þessi mál en við þurfum að ræða það aðeins betur hvað er til ráða fyrir næsta sumar. Allir voru samt túrarnir einstaklega skemmtilegir og alltaf er jafn gaman að eltast við lónbúann þótt maður hafi ekki alltaf heppnina með sér, það kemur bara næsta sumar. Þá var það virkilega skemmtilegt að Mick skyldi geta komið með okkur í tvo veiðitúra í sumar en hann hefur ekki komið með síðan í Staðarána 2009. Hann lifir lengi á þessum túrum þótt hann hafi bara fengið einn fisk. Aflinn er ekki allt.Fjárhagsstaða Viðförla er nokkuð góð og hafa innheimst 51.000.- í félagsgjöld og svo hef ég náð í vexti og smá aukapening þannig að við getum átt hér saman skemmtilega kvöldstund með gamni og alvöru í bland eins og þessir fundir eiga að vera. Við erum núna skráðir 19 félagar í Víðförla og er spurningin að bæta við einum góðum manni og láta þar við sitja í bili a.m.k. Það liggur fyrir ein aðildarumsókn í Víðförla á þessum fundi til samþykktar eða synjunar. Þá ætla ég að láta ykkur ágætu félagar ákveða með félagsgjöldin og verður það alfarið í ykkar höndum.Ég ætla ekki að vera bulla neitt því flott dagskrá bíður okkar og góður matur þannig að ég ætla að renna í veiðitúrana sumarið 2011. Vatnamótin 7-9 apríl.Þátttakendur: Jónas, Guðmar, Axel, Hilmar, Varði, Skafti, Ágúst, Óli og Heimir.Þessi hópur lagði af stað snemma á fimmtudegi á veiðilendur Vatnamóta. Við komuna og þegar veiðar hófust var veðrið skaplegt en fljótlega varð það spænuvitlaust eins og hendi hafi verið veifað. Veiði var því snarlega hætt. Daginn eftir var hið besta veður og það skemmdi ekki fyrir en því miður var tregfiskerí  þrátt fyrir mikla ástundun. Það verður ekki af okkur tekið. Mikið var vaðið um allt svæðið til þess að reyna finna fiskinn en því miður fundum við aðeins 16 stk.Allt annað uppá það besta og frábær matur og félagar.Afli: Axel 8, Hilmar 3, Guðmar 1, Skafti 1, Óli 1, Heimir 1, Gústi 1. Iðan 6-7 júlí. Þátttakendur: Skafti, Leifur, Jónas, Hjörtur og Einar.Fórum í Iðuna í frábæru veðri og ekki skemmdi félagsskapurinn. Þrátt fyrir mikla yfirlegu var heldur treg  veiði en þó náðist einn átta punda lax. Hefði mátt vera meiri veiði. Samt mjög góður túr í frábæru veðri.Afli Víðförlafélaga: 0 Staðaráin 14-15 júlí. Þátttakendur: Skafti, Jónas, Þórir, Eggert, Hilmar og Leifur.Víðförlatúr eins og þeir gersat bestir. Gerðum okkur vonir um að birtingurinn yrði farinn að ganga en því miður var svo ekki. Veiðin varð því svolítið minni en vonir stóðu til. Veðrið var náttúlega bara klikkun logn og sól allann tíman. Við Víðförla félagar erum ekkert að gefast upp þrátt fyrir það og á endanum lágu 8 fiskar í valnum 7 laxar og einn 9 punda birtingur. Allt voru þetta boltafiskar nema einn sem var bara 5 pund. Hinir voru 6-10 punda og er ekki hægt að kvarta yfir svoleiðis afla í silungs-veiði á. Allir kátir og hressir en húsið orðið verulega lúið.Afli: Hilmar 2, Þórir 2, Eggert 2, Leifur 1 og Jónas 1. Hróarslækur 19-21 ágúst. Þátttakendur: Skafti, Jónas, Eggert, Hilmar, Ágúst, Sigurpáll, Gunnar + 1.Nú hafði nokkur tími liðið síðan síðasti Víðförlatúr var farinn eða rúmur mánuður. Því var orðinn talsverður spenningur fyrir þessari ferð en í hana fóru 4 víðförlafélagar og 4 gestir. Miklar væntingar voru fyrir þessari á þar sem vel hafði veiðst í fyrra eða um 400 laxar. Við komu í veiðihúsið var mættur bóndinn á Selalæk og veitt hann okkur ýmsar hagnýtar upplýsingar. En við skoðun á veiðibók kom í ljós að aðeins 19 laxar höfðu veiðst í ánni svo eitthvað var að!!! Hófum við veiðar á tilsettum tíma en eftir fyrstu vaktina og yfirferð yfir ána kom í ljós að það var enginn fiskur í ánni. Okkur þótti þetta svolítið sérkennilegt og að endingu þá hringdum við í Stefán sölustjóra hjá Lax-á og sögðum honum okkar farir ekki sléttar. Viðbrögð hans vöktu hjá okkur grunsemdir því umyrðarlaust máttum við veiða í Rangá (Heiði/Bjallarlæk) eins og við vildum. Frá því þá hef ég heyrt víða að það hafi engum fiskum verið sleppt í ána eins sagt var. Slæmt ef satt er. Veðrið, veiðifélagnir og tala ekki um veiðihúsið allt til algjörrar fyrimyndar og ef svo hefði ekki verið myndi ég segja að þetta séu algjör vörusvik.Afli: Enginn. Laxá 12 – 14 sept. Þátttakendur: Steini, Krummi, Skafti, Jónas, Hilmar, Mick, Gústi, Raggi, Óli og Gunna.Hörkusveit eins og alltaf þegar Víðförli mætir á svæðið. Við komu í veiðihús kom strax í ljós að áin var mjög vatnslítið svo mjög að það má segja að hún hafi verið alveg ofaní grjóti og illveiðanleg þessvegna. Við að sjálfsögðu út að veiða og eftir fyrstu vaktina var ykkar einlægur búinn að fá 2 fiska úr Miðfellsfljótinu. Í stuttu máli þá má segja að við reittum upp fiska hér og þar en þó allflest í Fljótinu fræga. Við enduðum alls í 13 fiskum og voru þeir flestir ekki mjög lystugir en veiddust þó?Steini endaði síðustu vaktina með miklum glæsibrag og tók einn vænan hæng (sjá mynd) og þrátt fyrir tilmæli um að sleppa svoleiðis fiskum þá lét hann lífið blessaður. Ofaná vatnsleysið var veðrið frekar leiðinlegt fyrstu tvær vaktirnar bálhvasst af norðri og skítakuldi en sem betur fer voru hinar tvær miklu skárri. Aðbúnaður var til fyrirmyndar í alla staði og fengu allir nóg að borða í þetta skiftið.Afli: Hilmar 5, Jónas 3, Skafti 2, Steini 1, Mick 1 og Hrafn 1. Langá 21 sept. Þátttakendur: Skafti, Jónas, Hilmar, Mick, Alli, Smári, Óskar, Jason, Davíð, Óli F. Sigurpáll og vinur Guðmars.Mættum til veiða í bongóblíðu en miklu vatnsleysi og hófum við veiðar stundvíslega klukkan 8. Dreyfðist hópurinn allvíða um ána og alveg frá efsta veiðstað til þess neðsta. Áin var barin sundur og saman stanslaust frá 8-20 með því miður litlum árangri. Vegna vatnsleysis lá fiskurinn djúpt og í felum þó svo að við hefðum séð nokkra hreyfingu þá tók hann ekki neitt. Hvað um það skemmtilegur túr í flottu veðri í fínum félagsskap.Afli: Enginn. Þá er það næsta sumar. Ég ætla bara að leggja til að við vöndum valið betur og þá er það spurning að fara færri túra eða finna betri ár en við ræðum það á eftir.Þá er það mál málanna. Ég er búinn að segja ykkur nú til nokkurra ára að ég vil gjarnan hætta sem formaður. Bæði er að orkan er ekki eins og áður og líka það að ég held ég sé farin að staðna svolítið í þessum veiðimálum okkar þó svo að veiði áhuginn hafi ekkert dvínað. Ég er alfarið kominn á þá skoðun að það sé mjög tímabært að skipta um mann í brúnni og fá einhvern sem er tilbúin að takast á við þetta skemmtilega verkefni að leiða okkur félagana um veiðilendur landsins. Þið megið ekki halda að ég sé að hætta nei,nei og er ég alveg tilbúin að miðla þeim manni sem tekur við af reynslu minni í starfi fyrir Víðförla. Ég held að væri gott fyrir Víðförla og hollt fyrir þann sem tekur við að skipt verði um formann.Ég vona svo sannanlega að einhver bjóði sig fram til starfans, ef ekki þá verði kosið um hann samkvæmt lögum félagsins.Ég vill helst ekki vera í framboði til áframhaldandi setu sem formaður Víðförla.Njótið fundarins kæru vinir ,étið, drekkið og verið glaðir.Takk fyrir.Jónas Marteinsson.