Geirlandsá vor 2015 ferðin.

Kæru félagar,

Hér kemur smá umfjöllun um ferðina í Geirlandsána ásamt myndum sem ég set inná síðuna á eftir. Lagt var af stað í ágætis veðri eftir snarpan undirbúning og sæmilega veðurspá sem því miður rættist ekki því þegar komið var austur var orðið bálhvasst af norðri og skítakuldi.Við höfðum séð það svartara og var strax farið til veiða og þeir sem byrjuðu í ármótunum voru bara í góðum málum og drógu þeir hvern fiskinn á eftir öðrum þó varla væri stætt við veiðarnar. Þegar menn mættu á sömu slóðir morguninn eftir var öðruvísi umhorfs. Ána hafði lagt um nóttina og þar sem lygnan var mikil í ánni hafði hana lagt og var gjörsamlega óveiðanleg.Fóru menn þá uppí á og tókst okkur að reita upp nokkra fiska og voru allir komnir með fisk nema tveir, nefni engin nöfn í því sambandi. Morguninn eftir var komið algjört slagveður en þeir hörðustu fóru út og tókst þeim að landa þremur í ármótunum þrátt fyrir mikið ísrek.Svona er bara vorveiðin, óútreiknanleg. Það var miklu af eggjum og baconi hesthúsað í þessari ferð ásamt öðru ljúmeti eins og alltaf, húsið ágætt og félagarnir frábærir.  Takk fyrir samveruna félagar.

Alls veiddust 31 fiskur í þessari fer sem telst velviðunandi.