Víðförli________

Sælir félagar.

Nú er aðalfundur Víðförla nýafstaðin og eins og alltaf var hann bæði skemmtilegur og fróðlegur. Ágætis mæting var á fundinn en nokkrir duttu út á síðustu stunduog er það alltaf slæmt en við því er lítið hægt að gera. Læt fylgja með þessum pistli fundargerð fundarins og skýrslu formann þá er ég búinn að setja inn myndir í myndasefnið á síðunni.

Aðalfundur Veiðifélagsins Víðförla laugardaginn 16. Október 2015 Mættir eru 11 löglegir Víðförla meðlimir og 2 gestir. Fundur settur Jónas Marteinsson setur fundinn. Koning fundarritara Haraldur Þór Jónsson er kosinn fundarritari. Inntaka nýrra félaga Fyrirliggjandi er ein umsókn nýs félaga og verður boðaður sérstakur fundur til að taka ákvörðun um inntöku hans í félagið. Allir félagar eru sammála um nafn á nýja meðliminn, Aðalsteinn Guðmundsson er tekinn inní félagið og fær nafnið Hólkurinn. Skýrsla formanns Jónas Marteinsson les skýrslu formanns (fyrir formanninn sem er í golfi á Spáni) um veiðiferðir síðastliðið ár. Umræða um skýrsluna: Miklar umræður um það hvort veiða og sleppa skili einhverjum árangri. Sérstaklega rætt að Jónas keypti einungis 250gr. Af bakoni í morgunmat fyrir 8 manns í Geirlandsánni. Framvegis skal kaupa lágmark 150gr. Af bakoni á mann + rúmlega 2egg á mann í morgunmat á hverjum degi. Skýrsla fjárgæslumanns. Jónas fór yfir fjármálin og greiddu alls 17 félagsmenn árgjöldin og er verið að eta og drekka fyrir afganginn af þeim á þessum fundi. Tekjur vegna árgjalda voru 85.000 kr. Kostnaðurinn vegna aðalfundar er u.þ.b. 83.000 kr. og stendur sjóðurinn á núlli. Reikningar erum samþykktir samhljóma. Umræður um skýrslur og veiðiferðir árið 2015. Almennt góð veiði á árinu og var veiðiárið eitt það besta frá því talningar hófust. Árgjald ákveðið fyrir næsta ár Árgjaldið fyrir næsta ár er óbreytt 5.000 kr. Það er samþykkt samhljóma. Verðlaunaafhending Víðförla Stærsti fiskurinn – Marteinn Jónasson fékk 22 punda lax í Laxá í Aðaldal. Stærsti fiskurinn veiddur í Víðförlaferðum – Marteinn Jónasson fékk 22 punda lax í Laxá í Aðaldal. Flestir fiskar veiddir í víðförlaferðum – Þórir Bragason veiddi 29 fiska í sumar. Umræður um veiðina á árinu 2016 1. Vorveiði í Geirlandsánni 8-10 apríl. Jónas, Krummi, Palli, Halli, Guðmar, Þórarinn, Steini, Hilmar. 8 búnir að staðfesta og hollið er fullt. 2. Staðará. 20-24 júlí, miðvikudag til sunnudags. Steini, Ásgeir, Alli, Skapti, Þórir, Jónas, Varði og Mick. Önnur mál. Víðförli er með facebook síðu og blogg siðu. Því verður haldið áfram að halda þessum tveimur síðum í gangi. Blogg síðan er opin öllum, en facebook síðan er lokuð fyrir víðförla meðlimi og þar geta menn rætt saman innan hópsins. Myndasýning og frásögn um veiðiferðina í USA. Talsverður áhugi kom fram hjá fundarmönnum um að komast í næstu ferð og sýndu Tóti, Krummi, Þórir og fleiri mestan áhuga. Það kemur í ljós í janúar hverjir fara endanlega.

Skýrsla formanns veiðifélagsins Víðförla árið 2015.

Eins og alltaf í upphafi þessara funda okkar vil ég byrja á því að bjóða ykkur velkomna á þennan aðalfund okkar í veiðifélaginu Víðförla og sérstaklega gesti okkar Aðalstein og Tómas. Eins og þið vitið þá er þetta skýrsla formanns og eins og þið sjáið þá er ég ekki viðstaddur fundinn að þessu sinni og fel það í hendur fyrrverandi formanns að lesa skýrslu mína því ég veit að honum leiðst það ekkert. Dagskrá fundarins er hefðbundin og liggur dagskrá á borðum fyrir framan ykkur og er samkvæmt lögum Víðförla. Þessi fundur verður væntanlega keimlíkur öllum okkar fundum að við lítum yfir farinn veg og spáum í næsta sumar sem er alltaf spennandi og það kemur yfirleitt alltaf á óvart. Síðasta sumar kom svo sannanlega á óvart og átti enginn von á þeirri veiði sem varð hvorki leikmenn né lærðir fiskifræðingar svo það er erfitt að geta sér til um veiði. Eins og þið munið þá kom formaður að því í síðustu skýrslu fyrir árið 2014 þá ástunduðum við mikið â€Å¾veiða sleppa“ þ.e. kaupa veiðileyfi en sleppa því að fara í veiðitúrinn. Nú í sumar brá svo vel að það stundaði enginn af okkur slíkan veiðiskap sem betur fer, nánar síðar. Sumarið sem leið var og er reyndar enn því verið er að veiða í nokkrum ám var eitt af bestu laxveiðisumrum á landinu frá upphafi mælinga. Samkvæmt 10 gagnagrunnsám Veiðimálastofnunar er aflinn í þeim tæplega 48.000 laxar í sumar á móti tæplega 20.000 árið 2014. Þetta er gríðarleg aukning á milli ára eða vel ríflega 130% aukning á milli ára. Það sem gerir þetta allt svo skrítið eru þessar svaka sveiflur á milli ára og þær koma alltaf á óvart. Í nýrri fréttatilkynningu frá Veiðimálastofnun segir m.a.: â€Å¾Laxveiðitímabilinu er nú lokið í flestum ám landsins. Enn er þó veitt í ám þar sem uppistaðan í veiðinni er lax úr sleppingum gönguseiða, en þar stendur veiði til 20. október. Bráðabirgðatölur yfir stangveiði á laxi sumarið 2015 sýna að alls veiddust um 74.000 laxar. Veiði var rúmlega tvöfalt meiri en laxveiðin var 2014, þegar 33.598 laxar veiddust á stöng. Í heild var fjöldi stang veiddra laxa 2015 sú fjórða mesta frá upphafi og um 55% yfir langtímameðaltali áranna 1974-2014 sem er 40.848 laxar. Í tölum um heildarlaxveiði eru þeir laxar sem upprunnir eru úr sleppingum gönguseiða og einnig þeir laxar sem er sleppt aftur í stangveiði (veitt og sleppt). Það ánægjulega við þetta allt saman er að bæði veiddist mjög vel að vel höldnum smálaxi og einnig 2ja ára fiski 4 – 8 kg. sem og stórfiski 10 – 12 kg. og er það vel. Eins og þið vitið hafa verið miklar bollaleggingar um veiði aðferðina â€Å¾veiða og sleppa og langar mig að lesa fyrir ykkur grein eftir Jón Kristjánsson um þessa veiðiaðferð. Þá er liðið enn eitt tímabil með veiða-sleppa. Veiðin var með eindæmum í sumar og hafa opinberir vísindamenn enga skýringu á því hvers vegna veiðin sveiflast svona milli ára, hörmungarveiði í fyrra og metveiði núna. Látum það liggja milli hluta. En nú er ný staða miðað við það sem áður var: Menn sleppa nær öllum fiski í dýrustu ánum. Þetta skekkir alla tölfræði, enginn veit hve margir veiddust aftur og aftur og sumir veiðimenn bóka fisk sem var á í fimm sekúndur sem veiddan - og slepptan. Þá er mikil freisting fyrir veiðimenn til þess að búa til fiska til að standast samanburð við aðra í hollinu. Þá hefur oft verið ýjað að því að veiðileyfasalar prenti fisk. Allt er þetta auðvelt ef menn þurfa ekki að sýna aflann. Þetta byrjaði allt í Grímsá fyrir nokkrum áratugum þegar amerískum veiðimönnum var uppálagt að sleppa öllum hrygnum í þeim tilgangi að auka seiðaframleiðslu árinnar. Í sárabætur fengu þeir heim með sér reyktan lax. Þótti þeim mikið til um þessa ræktun. En þeim var ekki sagt að reykti laxinn hefði verið veiddur í net neðar í vatnakerfinu. Nú fá menn engan reyktan lax lengur í stað þeirra sem sleppt er, fara heim með öngulinn í rassinum eins og sagt var hér áður fyrr. Stóra stökkið kom svo 1998 þegar veiðimönnum í Vatndalsá var bannað að drepa lax. Sagt var að svona að gerð myndi verða ánni til góðs og stuðla að betri og jafnari veiði. Reynslan sýndi annað. Veiðin í Vatnsdalsá hélst svipuð og í nágrannaánum, þrátt fyrir að hluti veiðinnar væri tvítalin. Að ekki verður meiri ræktunarárangur af þessu skýrist af tvennu: Laxinn gengur aðeins einu sinni í ána, einungis um 5% lifa af hrygninguna til þess að ganga í annað sinn og hrygna. Það er því ekki hægt að safna upp fiski milli ára. Hrygning í flestum ám er yfirleitt yfirdrifin. Á mínum langa ferli við seiðaveiðar hef ég aldrei orðið var við skort á fyrsta árs seiðum, fjöldi þeirra er oftast langt umfram þarfir. Fjöldi stærri seiða er oft hverfandi og ekki í neinu hlutfalli við fjölda fyrsta árs seiða. Vegna mikillar samkeppni eru fyrsta árs seiðin illa undirbúin undir veturinn og afföll því mikil, auk þess sem þau veita eldri seiðum samkeppni. Aukning hrygningarstofns er því oftast til skaða. Margir veiðimenn fara ekki til veiða þar sem skylt er að sleppa öllum fiski, þeir fara á mis við þá ánægju að matbúa hann handa sér og sínum, nokkuð sem þeir telja vera endapunktinn á góðri veiðiferð. Þá þykir mönnum það ekki heyra undir eðlilega veiðimennsku og umgengni við náttúruna að veiða þreyta og landa fiski til þess eins að henda honum aftur í ána. Þá má minna á að í lögum um dýravernd segir: ,,Skylt er að fara vel með öll dýr. Óheimilt er að hrekkja dýr eða meiða. Forðast skal að ofbjóða kröftum þeirra og þoli." Í lögum um dýraveiðar stendur: ,,Ávallt skal staðið að veiðum þannig að það valdi dýrunum sem minnstum sársauka. Skylt er veiðimönnum að gera það sem í þeirra valdi stendur til að aflífa dýr sem þeir hafa veitt áverka." Berum virðingu fyrir bráðinni og náttúrunni og göngum til veiða með því hugarfari að við séum að veiða okkur til matar og huggulegheita. Fátt er eins skemmtilegt og að halda veislu með sjálfs aflaðs matar. Já takk, svo mörg voru þau orð. Mig langaði bara til að lesa þetta fyrir ykkur þar sem þessi veiðiskapur er ekki óumdeilanlegur freka en að banna maðkveiði ám, þeim sem þá veiði stunda til mikillar armmæðu. Ekki meira um það. Þá er komið að því að gera upp sumarið 2015. Í sumar var farið í 9 veiðiferðir sem töldust Víðförla ferðir og fóru alls 15 Víðförla félagar ásamt 12 gestum í þessar ferðir. Vafalaust eins og alltaf þá fórum við félagar miklu víðar til veiða en það telst aðeins Víðförla ferð ef 3 félagar eru með samkvæmt lögum Víðförla. Ég ætla nú að renna yfir ferðir og aflatölur s.l. sumar. 10-12 október 2014 Helgubakki. Þátttakendur: Marteinn, Ásgeir, Jónas og gestgjafinn Alli. Þetta var annað árið sem farið var í gæs og stangveiði í sömu ferðinni. Árið áður hafði gengið mjög vel en því miður ekki í þessari ferð því enginn var fiskurinn og lítið um gæs í skotfæri þó nóg væri af henni allstaðar í háloftunum en ekki í skotfæri. Sama með fiskinn mikið reynt en því miður enginn afli. Skemmtileg ferð í góðum félagsskap, góðu húsi og fínum mat. 11-13 apríl Geirlandsá. Þátttakendur: Krummi, Palli, Mick, Hilmar, Jónas, Halli og gestir Óli F. og Nökkvi. Lagt var af stað í ágætis veðri eftir snarpan undirbúning og sæmilega veðurspá sem því miður rættist ekki því þegar austur var komið var bálhvasst af norðri og skítakuldi. Höfðu menn séð það svartara og var strax farið til veiða og þeir sem byrjuðu í ármótum voru bara í góðum gír og drógu þeir hvern fiskinn á eftir öðrum þó varla væri stætt við veiðar. Þegar komið var á þessar slóðir morguninn eftir var allt í pati, ána hafði lagt öllum til leiðinda. En þá hafði Axel samband en hann var að veiða við Tungulæk og bauð mönnum að koma og veiða þar fram eftir degi. Þá var komið flott veður og menn í mokstri og það stórfiski. Öllum fiskum var sleppt en sá stærsti reyndist vera um 82 cm. Því miður þá þiðnaði ekki ísinn í ármótunum og fóru menn þá uppí á til veiða og gekk það ágætlega þrátt fyrir erfitt veður. Morguninn eftir var kominn algjört slagveður en þeir hörðustu fóru í ármótin og í miklu ísreki náðu þeir að landa þremur birtingum. Svona er vorveiðin allra veðra von en samt ótrúlega skemmtileg ferð með frábærum félögum og endalaust bacon og eggjaát ásamt öðru frábæru fóðri í föstu og fljótandi formi. Alls veiddust 33 fiskar og verður það að teljast velviðunandi miðað við allt og allt. Afli: Palli 11, Krummi 11, Mick 3, Hilmar 2, Nökkvi 3 og Óli 3. 14 júlí Gufuá Þátttakendur: Krummi, Steini, Ásgeir, Jónas og einn gestur Árni Þ. Fórum í þessa ferð með ekki miklar væntingar og þó hún hafði alltaf gefið okkur lax þessi litla spræna þó vatnslítil sé. Það gætir flóðs og fjöru langt upp eftir ánni og er það skrýtið að maður veiðir ekki í söltu vatni þar sem það ýtir ferskvatninu á undan sér upp ána. Fljótlega við komu fengum við lax sem heldur betur jók á vonirnar en því miður var það bara falsvon. Heldur gekk það treglega að fá fiskinn til að taka en við sáum talsvert af fiski og þá sérstaklega niður í ós og þarf að læra á veiðiskapinn þar. Ekki var mikill maðkur með í þessari ferð og því erfitt fyrir okkur maðkamenn að veiða. Að endingu náðust alls 3 laxar og verður það að teljast velviðunandi. Veðrið alveg frábært logn og blíða. Komið er veiðihús á svæðið en það er betra að vera bara í Litla-koti þótt aðeins sé lengra að fara. Afli: Jónas 2 og Ásgeir 1. 23 – 27 Staðará. Þátttakendur í fyrri ferð: Leifur, Ágeir, Alli, Daddi, Eggert og Varði. Seinni ferð: Skafti, Hilmar, Mick, Þórir, Jónas og Sigurpáll. Eins og alltaf voru miklar væntingar var mikill spenningur fyrir þessum ferðum og var ekki ástæða til annars þar sem veðrið var gott og allir í flottum veiðigír. Eitthvað var kobbi selur að stríða fyrra hollinu en það var ekki alvarlegt og var honum komið fyrir kattarnef. Það var kannski verra að við vorum akkurat þegar minnsta flóð var í ánna og sennilega hefur það sett strik í reikninginn. Allavega gekk ekki mikill fiskur upp ánna en þá er bara að sækja hann út í sjó sem var gert og gekk það ágætlega í báðum hollum. Sérstaklega var fengsælt að vaða út í sjó af austurbakkanum þó svo sá vestari gæfi líka ágætlega. Þá kom talsvert á óvart í seinna hollinu að það var talsvert af ágætis sjóbleikju og var það mikið “punt” í ánni. Ekki veiddust margir laxar en við náðum tveim, Eggert á hefðbundnum stað og Þórir á austurbakkanum. Alls komu um 42 fiskar í báðum hollum og verður það að teljast viðunandi miðað við flóðastöðu en fast var sótt og var ekkert gefið eftir í sókninni. Svanur bóndi gerði allt fyrir okkur eins og vanalega en þó tók yfir allt þegar hann tók formanninn i flottan reiðtúr og riðu þeir allar Löngufjörur við gríðarlega hrifningu formannsins. Allt viðurværi var flott að vanda og redduðu Alli og Skafti gistingunni með því að koma með hana með sér. Við þurfum að gera það þegar við komum 6 saman því varla er pláss í kotinu fyrir fleiri en það hefur batnað talsvert með nýrri innréttingu, eldavél og ísskáp sem ekki stuðar veiðimenn. Afli: Varði 4, Eggert 2, Leifur 1, Ásgeir 1, Daddi 3 og Alli 1 alls 12 stk. Afli: Mick 11, Jónas 10, Hilmar 6, Sigurpáll 2, Þórir 2 alls 30 stk. 16 – 18 ágúst Fremri Laxá á Ásum. Þátttakendur: Hilmar, Þórir, og Mick, börn og barnabörn. Erfiðlega hefur gengið að fá upplýsingar um fjölda veiddra fiska stærð þeirra og almennar upplýsingar um þessa veiðiferð en eftir því sem næst verður komist var hún hin besta skemmtun fyrir unga sem aldna og aflabrögð með miklum ágætum en því miður upplýsingar ekki nægar til notkunar við útreikning til verðlauna. 23 – 25 ágúst Gljúfurá. Þátttakendur. Hilmar, Ásgeir, Jónas og gestir Alli, Daddi og Sveinbjörn. Það var talsverð tilhlökkun fyrir þessari ferð einkum þar sem fréttist af mjög góðri veiði í öllum veiðiám í Borgarfirði. Við komumst að því við komu í veiðihús að talsvert væri af fiski í ánni en það þyrfti að finna hann eins og alltaf í Gljúfurá. Í hollinu á undan voru menn sem höfðu verið í þessari á í 30 ár og var aflinn hjá þeim 14 fiskar. Strax var haldið til veiða í skýjuðu en hlýju veðri og komu strax 4 fiskar í fyrstu vakt. Morguninn eftir var komin beljandi rigning en það stoppaði ekki hópinn og út að veiða og komu 6 fiskar á þeirri vakt og var kominn hugur í menn að slá fyrra hollinu við. Á þriðju vakt en þá var komin glampandi sól og blíða ekki beint besta veiðiveðrið en samt náðum við 4 fiskum og ein vakt eftir. Síðasta vaktin varð hálf endasleppt því þrátt fyrir mikla viðleitni fékkst enginn fiskur á þeirri vakt. En 14 fiskar er bara flott og allir ánægðir. Vert er að geta þess að brugðið var út af venju með matseldina í þessum túr. BBQ samloka fyrsta kvöldið, æðisleg kjúklinga súpa í hádeginu og þvílík chilly kássa um kvöldið og súpan og chilly gert af Ásgeiri. Menn voru bara afvelta og miklu auðveldar en að standa í einhverju grilli og borða til kl. 02:00. Það þarf lítið að ræða félagsskapinn og húsið hvoru tveggja alveg frábært. Afli: Hilmar 4, Ásgeir 3, Jónas 3, Alli 3, Sveinbjörn 1. 23 – 26 ágúst Laxá í Aðaldal. Víðförlafélagar; Ási, Halli, Marteinn Veiði: Ási: 2 laxar 75 cm og 86 cm Halli: 0 laxar Marteinn: 2 laxar 67 cm og 101 cm ... eitthundraðogeinnsentimeter - áætlaður 22 pund :-) Góðar stundir .... Kv. Marteinn 31 – 2 sept. Steinsmýrarvötn. Þátttakendur: Þórir, Mick, Jónas, Krummi, Palli og Hilmar gestur. Spáði veðurblíðu þessa daga og það stóðst heldur betur. Hélst alla dagana og var bæði sól og skýjað en alltaf logn. Við komu var haldið strax til veiða og urðum við strax varir við fiska og var það víða í vatninu og eftir fyrstu vaktina lágu 13 stk. svo þetta leit ljómandi vel út. Daginn eftir óx okkur ásmegin og við héldum áfram að veiða vel og vorum við búnir að finna út að bestu flugurnar voru Dentist, Flæðamús, Heimasætan og Black ghost. Var þeim kastað í gríð og erg og að kvöldi þess dags var aflinn orðinn 35 stk. sem er alveg vel viðunandi. Síðasta daginn voru menn aðeins rólegri en þó komu 6 stk. á land og var sá stærsti um 2.5 kg. Alls eru þetta 41 fiskar og allir fengu fisk og allir glaðir og kátir mismikið eins og alltaf en það er bara svona. Margir misstu fiska og fengu tökur eins og gerist í veiði. Þessi vötn og álar eru bara fjandi skemmtileg þegar maður lendir í svona góðu veðri og fiski. Svolítið slý en mjög þægilegt að að vaða en svolítil mýri á flestum stöðum í kringum vötnin. Veiðihúsið lítið og í lagi fyrir 6 manns en ekki fleiri. Maturinn og félagsskapurinn alveg frábær eins og alltaf hjá okkur félögum. Afli: Palli 13, Þórir 8, Krummi 8, Hilmar 7, Jónas 3 og Mick 2 alls 41stk. 16 – 22 sept. Salmon river USA. Þátttakendur: Halli, Guðmar,Marteinn, Jónas og Mick og 2 gestir þeir Gil og Jón Snorra. Þessi ferð var í orði sagt alveg ferlega skemmtileg frá upphafi til enda. Þrátt fyrir brækjuhita 30° var fiskur á ferð og var eins og alltaf gaman að sjá þessa dreka 20 – 30 punda að skríða upp fossa og flúðir og ótrúlegt hvað þeir gátu falið sig ef á þurfti að halda. Það hefði mátt vera meiri og grimmari taka en svona var þetta bara. Það var ýmislegt annað sem bætti það upp og vel ríflega það. Umhverfið t.d. alveg magnað og gott að hafa tré til þess að skýla sér frá sólinni en við vorum allir í vöðlum og stuttermabolum við veiðarnar og var það einstaklega þægilegt og gaman að prófa að vera svona léttur við veiðar. Fórum við á hefðbundna veiðistaði og vorum að tína upp einn og einn fisk og enduðum í alls sex fiskum. Eins og ég sagði hefði veiðin mátt vera meiri. Það var einhvern veginn í þessum hóp að grínið og gamanið var aldrei langt undan og kvöldvökurnar hjá okkur voru einn samfelldur brandari frá lokum borðhalds og að svefntíma. Það var harður húsbóndi (Halli) við egg og bacon steikingar allar morgna og var morgunverður framreiddur kl. 04:45 og vei þeim sem ekki mættu. Enginn vildi klikka á því og því var farið í rúmið fyrir miðnætti eftir hressilegt kvöld. Matinn og allt viðurværi þarf ekkert að fjölyrða um alveg frábært, kjúlli, nautakjöt og svínakjöt og meira að segja nýveiddur (King lax). Ekki þótti hann góður og fór svo að megnið af honum lenti í ruslinu og óþarfi að drepa fleiri laxa til að éta á staðnum, hreinn hroðbjóður eins og Marteinn sagði. Eins og ég sagði eftir síðustu ferð hjá 2013 þá er þetta ótúrleg upplifun og ferðirnar, húsið, veðrið, veiðin, bráðin, maturinn, félagarnir og ég ætla að segja ykkur drengir að þessi veiðiferð kostaði mig með öllu og athugið ég var einn með stöng í 3 1/2 dag 185.000.- og alls 6 daga ferð Tala nú ekki um ef menn lenda í runni í Salmon river þá verður kátt í höllinni. Hvet menn til að skoða þessar ferðir með opnum huga fyrir næsta ár og panta flug strax því í dag kostar flugið 53.700.-. Afli: Jón 3, Halli 2 og Marteinn 1. Alls veiddist í þessum veiðiferðum Víðförla 143 fiskar af öllum tegundum en þó voru flundrur ekki taldar með. Sá afli telst velviðunandi og er talsvert betri en á síðasta ári sem var alveg einstaklega dapurt eins og við allir vitum. Þá er það næsta sumar og hvað menn vilja gera í þeim efnum. Það væri rosalega gott ef við gætum ákveðið okkur á þessum fundi hvað við ætlum að gera næsta sumar til að auðvelda okkur verkið. Það er athyglivert að við fórum 2 samliggjandi túra í Staðarána og kom það bara ágætlega út og eftir seinni ferðina undirstungum við Svan bónda um næsta ár. Ætlum við að staðfesta það við hann eftir þennan fund en það er eiginlega nauðsynlegt að skoða flóðatöfluna fyrir 2016 áður en við göngum frá þeim málum. Ég aflaði mér þeirra upplýsinga fyrir júlí 2016 og stærsti straumur er 20 – 23 júlí og er þá spurning hvort við tökum í kringum þá daga eða höldum okkur við 23 – 27 júlí þ.e. sömu daga og í fyrra. Þá er það Geirlandsáin til þess að taka úr okkur hrollinn eftir veturinn eru einhverjir ákveðnir að fara þangað í vor? Eins og ég sagði fyrr í þessari skýrslu fengum við að renna í Tungulækinn og þvílík snilld sá lækur er en kostar heilmikið en er sko spennandi heldur betur.. Það sama má segja um Gljúfurána og Steinsmýrarvötnin hvort menn séu almennt tilbúnir að svara fyrir þessar ár. Svo er það spurning um Laxá í Leir og/eða Langá er áhugi??? Eiðum smá tíma í að ræða þessi mál og ef einhverjir eru ákveðnir endilega segið það. Vil ég biðja ritara um að skrá hjá sér ef menn eru ákveðnir að fara í einhverjar ferðir. Fjármál Víðförla standa ágætlega og eigum við að getað haft ágætis kvöldstund saman og notið bæði matar og drykkjar í boði Víðförla. Að lokum vil ég senda mínar bestu kveðjur á fundinn og vonast til að hitta ykkur sem flesta á árbökkum næsta sumar. Hilmar Jónasson.

Ágætu félagar.

Aðalfundur veiðifélagsins Víðförla verður haldinn föstudaginn 16 október n. k. og hefst stundvíslega kl. 18:00.

Fundurinn verður haldin á sama stað og síðast og er dagskrá hans samkvæmt lögum félagssins og verða allar veitingar á fundinum í boði Víðförla. 

Vinsamlegast mætið stundvíslega og þeir sem eiga eftir að tikynna þátttöku þurfa að gera það fyrir mánudagskvöldið 12 október.

HJ. +  JM.

Þátttakendur. Hilmar, Ásgeir, Jónas og gestir Alli, Daddi og Sveinbjörn. Það var talsverð tilhlökkun fyrir þessari ferð einkum þar sem fréttist af mjög góðri veiði í öllum veiðiám í Borgarfirði. Við komumst að því við komu í veiðihús að talsvert væri af fiski í ánni en það þyrfti að finna hann eins og alltaf í Gljúfurá. Í hollinu á undan voru menn sem höfðu verið í þessari á í 30 ár og var aflinn hjá þeim 14 fiskar. Strax var haldið til veiða í skýjuðu en hlýju veðri og komu strax 4 fiskar í fyrstu vakt. Morguninn eftir var komin beljandi rigning en það stoppaði ekki hópinn og út að veiða og komu 6 fiskar á þeirri vakt og var kominn hugur í menn að slá fyrra hollinu við. Á þriðju vakt en þá var komin glampandi sól og blíða ekki beint besta veiðiveðrið en samt náðum við 4 fiskum og ein vakt eftir. Síðasta vaktin varð hálf endasleppt því þrátt fyrir mikla viðleitni fékkst enginn fiskur á þeirri vakt. En 14 fiskar er bara flott og allir ánægðir. Vert er að geta þess að brugðið var út af venju með matseldina í þessum túr. BBQ samloka fyrsta kvöldið, æðisleg kjúklinga súpa í hádeginu og þvílík chilly kássa um kvöldið og súpan og chilly gert af Ásgeiri. Menn voru bara afvelta og miklu auðveldara en að standa í einhverju grilli og borða til kl. 02:00. Það þarf lítið að ræða félagsskapinn og húsið hvoru tveggja alveg frábært. Afli: Hilmar 4, Ásgeir 3, Jónas 3, Alli 3, Sveinbjörn 1.

Þátttakendur: Krummi, Steini, Ásgeir, Jónas og einn gestur Árni Þ. Fórum í þessa ferð með ekki miklar væntingar og þó hún hafði alltaf gefið okkur lax þessi litla spræna þó vatnslítil sé. Það gætir flóðs og fjöru langt upp eftir ánni og er það skrýtið að maður veiðir ekki í söltu vatni þar sem það ýtir ferskvatninu á undan sér upp ána. Fljótlega við komu fengum við lax sem heldur betur jók á vonirnar en því miður var það bara falsvon. Heldur gekk það treglega að fá fiskinn til að taka en við sáum talsvert af fiski og þá sérstaklega niður í ós og þarf að læra á veiðskapinn þar. Ekki var mikill maðkur með í þessari ferð og því erfitt fyrir okkur maðkamenn að veiða. Að endingu náðust all 3 laxar og verður það að teljast velviðunandi. Veðrið alveg frábært logn og blíða. Komið er veiðihús á svæðið en það er betra að vera bara í Litla-koti þótt aðeins sé lengra að fara. Afli: Jónas 2 og Ásgeir 1.